Gilaumang mosalmot na sa Gilas Pilipinas si naturalized player Bennie Boatwright sa Nobyembre 23 sa Kuala Lumpur, Malaysia, pipila lamang ka adlaw sa wala pa ang ilang importanteng mga dula sa FIBA World Cup 2027 Asian Qualifiers.
Matud ni Gilas head coach Tim Cone, nagdula pa karon si Boatwright alang sa iyang Chinese Basketball Association team nga Fujian Sturgeons ug tugotan lamang kini nga mobiya sa team sa Nobyembre 23.
Tungod niini, pipila na lamang ka adlaw ang igahin ni Boatwright aron maanad sa sistema sa Gilas Pilipinas. Nakatakdang atubangon sa Pilipinas ang Syria sa Nobyembre 27 ug Iran sa Nobyembre 30 sa Seremban, Malaysia.
Sa pagkakaron, adunay upat ka daog ug upat ka pildi ang Gilas Pilipinas ug nahimutang sa ikalimang pwesto sa Group E., importante ang maong duha ka dula aron mapadayon ang paglaum sa nasudnong koponan nga makasulod sa 2027 FIBA Basketball World Cup.
Photo courtesy: USC Athletics
