Nadakpan ang usa ka 51-anyos nga lalaki nga driver atol sa drug buy-bust operation sa kapulisan sa Purok 5, Barangay Poblacion, Mahayag, Zamboanga del Sur, niadtong nakalabay nga adlaw.
Gipahigayon ang operasyon sa hiniusang pwersa sa ZDSPDEU, Mahayag MPS, ug 53rd Infantry Battalion uban sa koordinasyon sa PDEA Region 9 nga miresulta sa pagkasikop sa re-arrested street-level individual (SLI).
Na-recover gikan sa suspetsado ang tulo ka sachet sa gituohang shabu, buy-bust money, keypad cellphone, plastic tube, ug usa ka sling bag. Gidala na ang suspek ug ang mga nakumpiskang ebidensiya sa Mahayag Municipal Police Station alang sa tukmang disposisyon.
Samtang, isumite sa Zamboanga del Sur Provincial Forensic Unit sa Camp Abelon, Pagadian City, ang gituohang ilegal nga droga alang sa forensic examination.
Photo courtesy : Science photo gallery
