Arestado ang usa ka 42-anyos nga pedicab driver human madakpan nga nagdala og homemade caliber .38 nga armas atol sa hot pursuit operation sa Barangay Poblacion District 5, Barugo, Leyte niadtong nakalabay nga adlaw.
Giila ang dinakpan sa alyas “Koy,” residente sa maong lugar, human nakadawat og report ang kapulisan gikan sa usa ka concerned citizen nga nagdala kini og armas ug nakapahadlok sa mga residente; dugang pa, giingong gitutokan usab niini og armas ang usa ka barangay tanod atol sa ilang pag-inom og makahubog nga ilimnon.
Nasakmit gikan sa suspek ang usa ka homemade caliber .38 nga armas, tulo ka buhing bala ug usa ka itom nga holster, apan wala kini makapakita og lisensya o dokumento nga nagtugot kaniya sa pagpanag-iya ug pagdala sa armas, hinungdan nga giatubang niini ang kaso kalabot sa paglapas sa Republic Act No. 10591 o Comprehensive Firearms and Ammunition Regulation Act.
Photo courtesy: LPPO Barugo
