Nadakpan sa kapulisan ang usa ka 24-anyos nga lalaki nga giila sa alyas “Ikoy” atol sa buy-bust operation sa Barangay Poblacion, Compostela, Davao de Oro, pasado alas-10:40 sa gabii niadtong Nobyembre 9, 2026.
Narekober gikan sa operasyon ang lima ka sachet sa gituohang shabu ug buy-bust money. Gipahigayon kini sa Compostela Municipal Police Station, kauban ang Provincial Drug Enforcement Unit sa Davao de Oro Police Provincial Office ug Philippine Drug Enforcement Agency Region XI.
Gimarkahan ug gi-inventory ang mga nakuhang ebidensya sa lugar sa operasyon, atubangan sa mga representante sa barangay ug Department of Justice, subay sa gitakdang pamaagi.
Giatubang karon sa dinakpan ang kasong paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002. Anaa na siya sa kustodiya sa Compostela MPS samtang giandam ang tukmang mga kaso batok kaniya.
