Gihatagan og pinansyal nga ayuda ang mga kanhi rebelde gikan sa nagkadaiyang lungsod sa ikaduhang distrito sa Davao de Oro aron matabangan sila sa ilang pagbalik sa komunidad ug pagsugod og malinawon nga kinabuhi.
Personal nga gipangulohan ni Congressman Jhong Ceniza ang paghatag sa maong tabang atol sa iyang pagbisita sa Nabunturan niadtong Nobyembre 10, 2026, nga gipahigayon sa Municipal Covered Court.
Sumala sa impormasyon, ang inisyatibo gipondohan sa opisina sa kongresista isip suporta sa mga kanhi rebelde nga mipili nga mobiya sa armadong pakigbisog ug mobalik sa sabakan sa balaod.
Mitambong usab sa kalihokan si Nabunturan Mayor Myrocel Clarin Balili, Vice Mayor Cyrian Ayco Reterba, mga miyembro sa Sangguniang Bayan ug Board Member Francis Secuya.
Pinaagi sa maong tabang, gilauman nga mas mapadali ang pagbalik sa mga benepisyaryo sa ilang tagsa-tagsa ka pamilya ug komunidad, lakip ang pag-angkon og kahigayonan sa pagsugod pag-usab sa ilang kinabuhi.
