Nakit-ang naligo sa kaugalingong dugo ug wala na’y kinabuhi ang 56-anyos nga lalaki human gipusil sulod mismo sa iyang kuwarto sa may Purok 3, Kurbada, Barangay Tongantongan, Valencia City, Bukidnon gibanabana nga alas 8:40 niadtong Nobyembre 8, 2026
Sumala sa imbestigasyon sa Valencia City Police Station, nag-inom pa ang biktima kauban ang iyang duha ka sinaligang trabahante sa gawas sa iyang balay sa wala pa kini misulod aron magpahulay tungod sa kahubog
Base sa saksi pipila ra ka minutos ang nakalabay, nadungog ang sunod-sunod nga buto sa armas ug nakita ang tulo ka wala mailhing lalaki nga nanggawas gikan sa pultahan sa atubangan sa balay.
Nasuta sa dugang imbestigasyon nga ang mga suspek gituohang nakasulod sa pinuy-anan sa biktima pinaagi sa likod nga bahin nga pultahan.
Dali sab nga gipatuman sa kapolisan ang Oplan Shield ingonman nagbutang og containment ring, samtang giproseso na sa Scene of the Crime Operations (SOCO) team ang crime scene alang sa pagpangita og mga ebidensya, pag-ila sa mga mamumuno, ug pagsuta sa motibo sa maong krimen.
Photo courtesy: Valencia City Police Station
