Yano ug sa walay duhaduha nga gipusil sa wala pa mailhing suspek ang 45-anyos nga lalaki, residente sa Midsayap, North Cotabato, atol sa nahitabong pagpamusil sa intersection sa Purok 3B ug Purok 1, Barangay Sinayawan, Valencia City, Bukidnon sa gibanabanang alas 11:30 niadtong Nobyembre 8, 2026.
Sumala sa inisyal nga imbestigasyon sa Valencia City Police Station, nag-motor ang biktima paingon sa iyang gipuy-an sa Purok 1 gikan sa balay sa iyang silingan sa dihang kalit lang kining gipusil ug naigo sa ubos nga bahin sa iyang luyo (lower back), hinungdan nga dali kining gidala sa City Disaster Risk Reduction and Management Office (CDRRMO) ngadto sa Adventist Medical Center kon diin gideretso kini sa operating room tungod sa kritikal nga kahimtang.
Dali usab nga gipatuman sa kapolisan ang Oplan Shield ug nagmando sa containment ring, samtang naghangyo ug tabang gikan sa Scene of the Crime Operations (SOCO) Team alang sa pagproseso sa lugar nga nahitaboan sa krimen
Sa karon padayon ang imbestigasyon sa mga otoridad sa pag-ila sa suspek ug sa motibo sa maong pagpamusil.
Photo courtesy: Valencia City Police Station
