Nadakpan sa mga kapulisan ang usa ka 34-anyos nga babaye nga giila lamang sa alyas “Mae Ash” atol sa Manhunt Charlie operation sa Purok 3, Barangay Limbo, Maco, Davao de Oro, alas-2:00 sa hapon niadtong nakalabay nga adlaw.
Gipahigayon ang operasyon sa mga personnel sa Maco Municipal Police Station human ipatuman ang warrant of arrest nga giisyu sa Family Court Branch 1 sa Nabunturan niadtong Nobyembre 4, 2026.
Ang dinakpan nag-atubang sa kasong paglapas sa Section 5(i) sa Republic Act 9262 o Anti-Violence Against Women and Their Children Act of 2004, in relation to Section 6(f), diin adunay girekomendar nga piyansa nga nagkantidad og ₱72,000.
Gipahibalo ang babaye sa hinungdan sa iyang pagdakop ug sa iyang mga katungod subay sa Konstitusyon, apan mipili kini nga magpabiling hilom.
Anaa na siya karon sa kustodiya sa Maco MPS alang sa tukmang dokumentasyon ug sunod nga proseso.
