“Nindota kaayo sa inyong live drama presentation mga Sir uy, nadala man gyud mi!”. Mao kini ang reaction sa mokabat sa liboan ka mga tawo nga nanambong sa Dealers and Coordinators’ Christmas Party nga gipahigayon niadtong, petsa 10 ning bulan sa Nobyembre tuig 2026 sa Mati City.
Dili lamang katawa ug kalipay ang napadayag sa maong selebrasyon, kondili apil usab ang mga luha sa mga nanambong nga natandog sa makahilak ug makahuluganon nga live drama presentation nga giandam sa pamunoan sa RSV Group of Companies.
Nahimong usa sa mga highlight sa maong kalihokan ang pasundayag nga malampusong nakapukaw sa emosyon sa mga nanambong, nagpahinumdom nga ang Pasko dili lamang panahon sa pagsaulog, apan panahon usab sa pagpaambit sa gugma, pagpasalamat, ug paghatag og bili sa matag usa.
Dugang sa makalingaw nga mga pasundayag, mas misamot ang kahinam sa selebrasyon pinaagi sa nagkadaiyang mga premyo ug daghang raffle draws nga naghatag og dugang kalipay ug kahigayunan sa mga nanambong nga makadala og espesyal nga gasa sa ilang pagpauli.
Nahatagan usab og dugang kahulogan ang maong selebrasyon pinaagi sa presensya sa mga opisyal sa RSV Group of Companies, nga gipangulohan ni President and CEO Sir Richard Soriano Villaronte, uban nila ang Vice President for Operations sa RSV Broadcasting Network Incorporated nga si Ma’am Luz Egdane-Agsaluna ug ang Vice President for Operations sa RSV Lifecare Marketing Incorporated nga si Ma’am Cherelyn Bautista-Israel.
Ang maong panagtigom nahimong usa ka maayong higayon sa pagpalig-on sa relasyon tali sa kompanya, mga dealers ug coordinators nga nagpakita nga labaw pa sa propesyonal nga panag-uban, usa sila ka dakong pamilya nga nagkahiusa sa usa ka tumong.
Labaw pa sa mga premyo, raffle draws, ug nagkadaiyang kalingawan, mas nahimong makahuluganon ang selebrasyon pinaagi sa mensahe ni President and CEO Sir Richard Soriano Villaronte nga, “Everyday is Christmas Day with RSV.”
Usa kini ka mensahe nga naghatag og mas lawom nga kahulugan sa selebrasyon—nga ang diwa sa Pasko dili angay kutob lamang sa usa ka adlaw o panahon sa tuig, kondili angay nga makita ug mabati matag adlaw pinaagi sa pagpakabana, pagpaambit, pagpasalamat, ug paghatag og kalipay sa uban.
Sa katapusan, ang Dealers and Coordinators’ Christmas Party – Mati City nahimong labaw pa sa usa ka ordinaryong panagtigom. Usa kini ka pagpamatuod sa lig-on nga panaghiusa ug maayong relasyon tali sa RSV Group of Companies ug sa mga dealers ug coordinators niini.
Kay sa RSV, ang Pasko dili lang usa ka selebrasyon nga gihulat matag Disyembre. Kini usa ka espiritu nga angay puy-an ug ipaambit matag adlaw.
EVERYDAY IS CHRISTMAS DAY WITH RSV!
