Arestado ang duha ka indibidwal atol sa anti-illegal gambling operation sa kapulisan batok sa gidudahang illegal nga tupada sa Barangay Tabgas, Albuera, Leyte niadtong nakalabay nga adlaw.
Giila ang mga dinakpan sa alyas “Cris,” 31 anyos, ug “Jan,” 40 anyos, nga parehong residente sa Barangay Poblacion, Albuera, human giingong nasakpan silang aktuwal nga nakigbahin sa ilegal nga pagpaaway og manok, samtang nakapalagyo ang ubang mga tawo nga didto sa lugar.
Nasakmit sa operasyon ang duha ka patay nga panabong nga manok, duha ka tari o “bulang,” ug kuwarta nga giingong gigamit sa pagpusta; giatubang sa duha ang posibleng kaso tungod sa paglapas sa Presidential Decree No. 449 o Cockfighting Law of 1974.
Photo courtesy: PNP LPPO Albuera
