Arestado ang usa ka 60-anyos nga lalaki nga giila lamang sa alyas nga Alex, human ipatuman ang warrant of arrest batok kaniya tungod sa kasong Frustrated Homicide sa Hacienda Sta. Ana, Barangay Palampas, San Carlos City, Negros Occidental, pasado alas 8:17 sa gabii niadtong Nobyembre 9, 2026.
Sumala sa report, ang Tracker Team sa San Carlos City Component Police Station (CCPS), ubos sa pagpanguna ni PLTCOL Nazer P. Canja, Chief of Police, nagpahigayon og Manhunt Charlie Operation nga misangpot sa pagkadakop sa suspetsado.
Ang warrant of arrest gi-isyu niadtong Hunyo 2, 1988 ni Judge Mariano Y. Basa Jr., Presiding Judge sa Regional Trial Court Branch 58, San Carlos City, nga may girekomendar nga piyansa nga nagkantidad og dose mil pesos o ₱12,000.
Human sa pagdakop, gipahibalo ang suspek sa iyang mga katungod ubos sa Miranda Doctrine ug Anti-Torture Law sa pinulongang iyang nasabtan.
Sa pagkakaron, anaa na sa kustodiya sa San Carlos CCPS ang nadakpan alang sa hustong disposisyon.
Photo courtesy: San Carlos CCPS
