Nadakpan ang duha ka indibidwal 51-anyos nga lalaki giilang si alyas “Dodong uban sa 19-anyos nga babaye atol sa buy-bust operation sa Drug Enforcement Unit o CDEU sa Malaybalay City Police Station sa may Purok 6, Barangay 1, Malaybalay City, alas-10:55 kagabii Setyembre 27, 2026.
Gipahigayon ang operasyon sa CDEU sa koordinasyon sa PDEA-10, Bukidnon 1st Provincial Mobile Force Company, Bukidnon PIU ug usa ka civilian agent. Nakumpiska ang lima ka heat-sealed transparent plastic sachets sa gituohang shabu sa gibug-aton nga 4.074 gramos ug standard drug price nga 27,703 pesos. Nasakmit usab ang usa ka 500-pesos nga buy-bust money ug walay sulod nga pakete sa sigarilyo.
Giandam na ang mga kaso batok sa duha tungod sa giingong paglapas sa Sections 5, 11 ug 26, Article II sa Republic Act 9165 o Comprehensive Dangerous Drugs Act of 2002. Gidala ang mga nakumpiskang drug items sa PNP Forensic Unit sa Bukidnon Provincial Office alang sa qualitative ug quantitative examination, samtang anaa sa kustodiya sa Malaybalay CPS ang mga dinakpan alang sa dokumentasyon ug hustong disposisyon.
