Dugang duha ka bronze medal ang nasakmit sa Pilipinas sa 2026 Asian Games niadtong Domingo pinaagi sa paningkamot ni Olympian John Cabang Tolentino sa athletics ug sa Sibol Pokémon UNITE team. Tungod sa maong kalampusan, miabot na sa 12 ang kinatibuk-ang medalya ang naangkon sa nasud sa maong prestihiyosong kompetisyon sa Asya.
Nakuha ni Cabang Tolentino ang ikatulo nga pwesto sa men’s 110m hurdles gamit ang iyang season-best nga 13.48 segundos aron maangkon ang tanso. Samtang sa e-sports, nagkasya usab sa bronzeng medalya ang Sibol Pokémon UNITE team matapos maningkamot apan napildi batok sa koponan sa Indonesia sa semifinal round.
Sa laing mga dula, ika-upat ang weightlifter nga si Kristel Macrohon sa women’s 69kg division, samtang midaog ang tandem nila Francis Alcantara ug Shaira Rivera sa tennis batok sa Iran. Nakatakda usab sugdan ni Alex Eala ang iyang kampanya karong adlawa samtang sigurado na usab sa bronze sa sepak takraw women’s team
Photo courtesy:POC Media
