Nakalas ang kinabubi ang 34-anyos nga lalaki human gipusil sa iyang kainom sa Purok 6, Barangay Langaon, Baungon, Bukidnon pasado alas-6:00 sa buntag karong adlawa Setyembre 28, 2026.
Base sa inisyal nga imbestigasyon sa Baungon Municipal Police Station, ang biktima ug ang 36-anyos nga suspek parehong mitambong sa haya ug nag-inom sa dapit sa maong insidente.
Sumala pa mibuto ang init nga panaglalis tali sa duha nga miresulta sa panagsumbagay, ug sa dihang nalupig ang suspek, mibiya kini makadiyot ug nibalik nga nagdala og armas dayon gipusil ang biktima sa ulo pagkahuman mikalagiw sa wala matinong direksyon.
Gidala sa pamilya ang biktima sa Talakag Provincial Hospital, apan gideklarar kini nga Dead on Arrival (DOA) pagkaalas-7:31 sa buntag. Nakig-alayon na ang kapolisan sa Regional Forensic Unit (RFU) 10 alang sa pagkolekta sa agi sa dugo sa lugar alang sa eksaminasyon, samtang nagpadayon karon ang hot pursuit ug manhunt operation sa Baungon MPS aron madakpan ang miikyas nga suspek.
