Giaprubahan sa Sangguniang Panlungsod sa Malaybalay ang usa ka ordinansa nga nag-institusyon sa “CARES Summit” (Community-Based Approach for Responsive Enhanced Services), atol sa ikaduha ug ikatulong pagbasa sa ika-62nd regular session niaging Setyembre 22, 2026.
Pinaagi ni City Councilor Dindo Dinlayan gipunting sa konseho nga ang CARES Summit gihimong tinuig nga programa alang sa capacity development, community empowerment, ug convergence sa mga serbisyo sa dakbayan. Apil sa mga motambong niini ang mga job order ug regular employees nga nagsilbing mga governance officers ug extension workers.
Pinaagi sa maong ordinansa, gigakus sa lokal nga gobyerno ang nagkadaiyang sektor sama sa food security, security office, environment management, ug forest patrollers
Tumong sa summit nga maghatag ug venue alang sa pag-report sa ilang mga nahimo ug accomplishments sa niaging tuig samtang naghatag ug serbisyo sa nagkalain-laing barangay. Aron mapatuman kini matag tuig, gigahin ang pondong nagkantidad og ₱400,000 nga kuhaon gikan sa budget sa City Disaster Risk Reduction and Management Office (CDRRMO) Malaybalay
Photo courtesy: SP – Malaybalay
