Gipasiugda sa probinsya sa Bukidnon pinaagi sa Provincial Persons with Disability Affairs Office ang kaimportante sa paghatag og patas ug walay pagpihig nga serbisyo publiko pinaagi sa pagpahigayon og pagbansay sa Filipino Sign Language (FSL) alang sa mga opisyal ug representante sa nagkalain-laing ahensya ning bulan sa Setyembre 2026.
Gipasabot ni PDAO Head Dominador Libayao nga ang maong inisyatiba nahisubay gayud sa probisyon sa Republic Act No. 11106 o ang Filipino Sign Language Act, nga nagdeklarar sa FSL isip opisyal nga pamaagi sa komunikasyon sa tanang transaksyon sa gobyerno, tunghaan, ug mga opisina.
Dinapit nga namulong sa kalihukan si Ma. Lourdes B. Navarosa gikan sa Welcome Home Foundation, kinsa usa ka rehistradong interpreter nga nagpaambit sa iyang kaalam ug bug-os nga suporta aron mas mapalambo pa ang kaalam ug kapabilidad sa mga partisipante
Gilauman nga pinaagi sa nakab-ot nga sertipikasyon ug lebel sa pagtuon, makatabang kini dili lamang sa ilang personal nga pag-uswag sa trabaho kondili sa pagpaambit ug pagtudlo usab sa uban ug mapalapdan pa ang inclusive, patas nga paghatag sa batakang serbisyo ngadto sa mga deaf and mute community sa Bukidnon.
Photo courtesy:LGU – Bukidnon
