Gipasalig sa Department of Foreign Affairs (DFA) nga anaa sa maayong kahimtang ug walay naangol sa 40 ka Pilipinong tripulante human nagkabangga ang ilang gisakyang barko ug usa ka Chinese fishing vessel sa Singapore Strait. Nahitabo ang maong aksidente niadtong Setyembre 17 tali sa Panama-flagged bulk carrier nga First Margaux ug sa pamatigayon nga sakayang-dagat sa Tsina. Nahimo usab nga viral sa social media ang video sa maong hitabo diin nadungog ang pipila ka tripulante nga nagsulti sa Ilokano atol sa pagkabangga.
Pormal usab nga gipahayag ni Department of Migrant Workers (DMW) Secretary Hans Cacdac nga walay bisan usa sa mga kababayan ang nasamdan sa maong insidente. Iyang gipamatud-an nga subay sa mga nahaunang report, walay naitala nga nasamdan sa 40 ka Pinoy seafarers nga nakasakay sa maong barko.
Sa kasamtangan, nailhan na sa mga awtoridad ang kinatibuk-ang ngalan sa mga maong tripulante. Nagpadayon usab ang pagpangolekta og dugang nga impormasyon ug kompletong report bahin sa nahitabo gikan sa lisensyadong manning agency sa mga seaman aron masiguro ang ilang kaayohan ug mahatag ang gikinahanglang tabang.
Photo courtesy:La Sicilia
