Naglaum ang Department of Agriculture (DA) nga mosaka ang presyo sa baboy sa mga lokal nga mag-uuma pinaagi sa ipatuman nga 60-day temporary ban sa pag-angkat og imported pork.
Matud ni Agriculture Secretary Francisco Tiu Laurel Jr., tumong sa maong lakang nga madugangan og labing menos 50 pesos ang farmgate price sa baboy gikan sa kasamtangang P140 hangtod P150 kada kilo.
Gipasabot usab sa kalihim nga mahimo pang palugwayan ang 60-day import ban depende sa aktuwal nga lihok sa presyo ug panginahanglan sa sektor sa baboy.
Samtang, gihulat pa sa DA ang assessment ug desisyon sa Tariff Commission sa ilang hangyo nga ibalik sa kanhing lebel ang taripa sa imported pork.
