Nadakpan sa kapulisan ang duha ka wanted person, usa ka 46-anyos nga lalaki ug usa ka babaye, atol sa manhunt operation sa Barangay Panalaron, Hinunangan, Southern Leyte niadtong Nobyembre 9, 2026.
Gipahigayon ang operasyon sa mga personnel sa Hinunangan Municipal Police Station (MPS), ubos sa pagpangulo ni PMAJ Ryan Jill S. Merquita, Officer-in-Charge (OIC), pinaagi sa Manhunt Charlie Operation. Nadakpan ang duha pinasikad sa warrant of arrest tungod sa kasong Qualified Trespass to Dwelling, nga paglapas sa Article 280 sa Revised Penal Code. Ang warrant gipagawas sa Presiding Judge sa Municipal Circuit Trial Court sa Hinunangan-Silago, Southern Leyte, nga adunay girekomendar nga piyansa nga P36,000 matag usa.
Human madakpi, gidala ang duha sa Hinunangan MPS alang sa dokumentasyon ug hustong disposisyon sa dili pa itugyan ngadto sa korte nga mipagawas sa warrant of arrest. Ang duha residente usab sa Barangay Panalaron, diin sila nadakpan.
Photo courtesy: SLPPO
