Gidapit sa Department of Labor and Employment (DOLE) – Regional Tripartite Wages and Productivity Board VIII ang mga pribadong employer, empleyado ug uban pang stakeholders nga motambong sa public hearing kabahin sa pagtino sa minimum wage o minimum nga suweldo sa mga mamumuo sa Ormoc City.
Gikatakda ang maong konsultasyon sa ugmang adlawa, Nobyembre 12, 2026, gikan sa alas-8:00 hangtod alas-11:00 sa buntag didto sa Multi-Purpose Hall, ikaduhang andana sa New Ormoc City Hall, Barangay Cogon, Anunubing Street, Ormoc. Gipahigayon kini isip kabahin sa proseso sa wage determination bisan walay pormal nga petisyon alang sa pag-usab sa minimum wage.
Magpahigayon usab og separado nga breakout sessions alang sa mga empleyado ug employer sa pribadong establisemento, lakip na ang mga katabang o domestic workers. Giawhag sa DOLE-8 ang mga hingtungdang sektor nga motambong ug mopadayag sa ilang mga suhestiyon ug kabalaka aron ikonsiderar sa proseso sa pagtino sa minimum wage.
Photo courtesy:@rtwpb8
