Nadakpan ang usa ka 31 anyos nga lalaki nga wanted sa kasong arson sa hiniusang operasyon sa kapulisan sa Barangay Sto. Niño, Tukuran, Zamboanga del Sur mga alas 5 sa hapon, niadtong nakalabay nga adlaw. Gihimo ang pagdakop pinasikad sa warrant of arrest nga gi-isyu sa Regional Trial Court Branch 21 sa Pagadian City niadtong Mayo 19, 2016.
Ang maong warrant may kalabotan sa paglapas sa Section 1 sa Presidential Decree 1613 o Anti-Arson Law, in relation to Section 4, Paragraph 3, diin gitakda ang rekomendang piyansa nga nagkantidad og P24,000.
Gipahigayon ang operasyon sa 1st Zamboanga del Sur Provincial Mobile Force Company, Pagadian City Police Station, Zamboanga del Sur Maritime Police Station ug Tukuran Municipal Police Station.
Sa pagkakaron, anaa na sa kustodiya sa Tukuran Municipal Police Station ang nadakpan alang sa tukmang lakang.
Photo courtesy: The imprint
