Arestado sang kapulisan ang isa ka ginapatihan nga drug personality sa buy-bust operation sa Purok Dahlia, Barangay Pamantingan, Esperanza, Sultan Kudarat, sang gab-i, Nobyembre 9, 2026.
Ang suspek nga ginkilala sa alyas nga “Buda,” 32 anyos, isa ka drayber kag residente sang Isulan, ang ginakabig bilang Street-Level Individual.
Narekober sa iya ang tatlo ka sachet sang ginapatihan nga shabu nga may kabug-aton nga 5.9 gramos kag nagabalor sang P40,120,000.00. Nakuha man ang 500 pesos nga buy-bust money, cellphone, pouch kag isa ka motorsiklo nga may sidecar.
Ang suspek yara na sa kustodiya sang Esperanza Municipal Police Station samtang ginapreparar ang kaso batok sa iya bangud sa paglapas sa Comprehensive Dangerous Drugs Act.
Photo courtesy: PNP Regional Police Office 12
