May yara sang libre nga konsultasyon sa nagkalain-lain nga espesyalista nga doktor para sa mga pumuluyo sang Isulan pinaagi sa Community Health Outreach Program sang lokal nga panguluhan nga ginapangunahan ni Mayor Bai Rihan Mangudadatu Sakaluran.
Base sa iskedyul, si Dr. Lanyfe L. Biadora, specialist sa Internal Medicine, available kada Lunes sa Super Health Center kag Martes tubtob Miyerkules sa Municipal Health Center. Si Dr. Gilbert P. Mejia II naman, may yara iskedyul kada Lunes sa Municipal Health Center kag Martes tubtob Miyerkules sa Super Health Center.
Samtang si Dr. Mary Stephanie P. Chong, para sa Family Medicine, available Miyerkules sa Super Health Center kag Huwebes tubtob Biyernes sa Municipal Health Center.
Ang nasambit nga konsultasyon maga-umpisa alas 8:00 sang aga. Ginalauman ang pagpakigbahin sang publiko agud mapabaskog ang serbisyo nnga panglawas sa banwa sang Isulan.
Photo courtesy: Municipality of Isulan- Bagong Isulan
