Nagpahigayon og courtesy visit niadtong adlaw’ng Lunes, Nobyembre 9, 2026 sa mga bag-ong na-assign nga Fire Officers sa lungsod sa Kapalong Davao del Norte, isip kabahin sa ilang pagpaila sa Lokal nga Panggamhanan, ingon man sa pagpalig-on sa koordinasyon tali sa Bureau of Fire Protection (BFP) ug sa LGU Kapalong.
Gipresentar ni Municipal Fire Marshal FSINP Angelica C Abellano, ang unom ka bag-ong personnel nga sila FO2 Lean Alejandro M Lara, FO2 Don Felder P Santa Cruz, FO1 Paul Claude P Paz, FO1 Wyeth I Casinillo, SFO1 Joest Gabuya, ug SFO1 Renante Asupan.
Mainiton usab sila nga gidawat ni Mayor Edgardo L. Timbol diin mipasalig usab kini nga padayon ang ilang suporta sa mga programa ug inisyatibo sa BFP nga nagtumong sa pagpalig-on sa fire prevention ug fire safety awareness, pagpalambo sa kaandam sa komunidad panahon sa sunog ug uban pang emerhensiya, ug pagsiguro sa kaluwasan ug seguridad sa mga residente sa giingong lungsod.
Pinaagi sa lig-on nga panag-alayon sa LGU ug BFP, mas mapalambo ang mga lakang sa pagpugong sa sunog, paghatag og tukmang tubag sa mga emerhensiya, ug pagpanalipod sa kinabuhi sa matag residente sa nasangpit nga lungsod.
Photo Courtesy: Kapalong InfoCenter
