Gi-turnover ang Engineered Bamboo Processing Facility nga nagkantidad og 56,976 dolyar o kapin ₱3.2 milyon ngadto sa Bobongon Tree Planters Association Inc. isip suporta sa pagpalambo sa industriya sa kawayan, kini ang gibutyag atol sa panagtigom karong adlawa Nobyembre 11, 2026 sa Department of Trade and Industry Davao del Norte sa nagpadayong DTI Stakeholders’ Consultation nga gipahitabo sa The Royale House Hotel and Dormitel ning syudad sa Tagum.
Ang proyekto gipatuman ubos sa Grant Assistance for Grassroots Human Security Projects (GGP) sa Consulate General of Japan sa Davao, uban sa Department of Trade and Industry (DTI).
Gilauman nga makatabang ang pasilidad sa pagpalambo sa pagproseso sa kawayan, pagpalig-on sa panginabuhian ug paghatag og dugang oportunidad sa mga miyembro sa asosasyon.
