Nagpatigayon ang Sultan Kudarat State University ukon SKSU sang 2026 Year-End Review and 2027 Planning Workshop halin Nobyembre 10 tubtob 12 sa East Asia Royale Hotel, General Santos City. Katuyuan sini nga repasuhon ang mga nahimo sang unibersidad sa 2026 kag magtalana sang mga prayoridad kag estratehiya para sa masunod nga tuig.
Sa iya presentasyon, ginpabug-atan ni SKSU President Atty. Cyrus E. Torreña ang pagpauswag sang academic excellence, institutional performance, research kag innovation.
Ginpahayag man sang tatlo ka opisina sang Vice Presidents ang ila mga nahimo, performance indicators kag mga target agud matumod ang mga aspeto nga kinahanglan pa pauswagon.
Photo courtesy: Sultan Kudarat State University
