Gin-umpisahan na sang Lokal nga Panguluhan sang Senator Ninoy Aquino, Sultan Kudarat, ang pagpangtanom sang mga puno sang kape sa duha sa balid sang kadalanan sang National Highway pinaagi sa proyekto nga ginatawag nga SNA Green Coffee Highway.
Ginpangunahan ni Mayor Rafael George L. Flauta III, kaupod ang mga miyembro sang Sangguniang Bayan kag mga opisyal sang Barangay Gapok kag Sewod, ang paglunsar sang pagpangtanom sa dulunan sang Senator Ninoy Aquino kag Bagumbayan.
Ginalauman nga magapadayon ang proyekto tubtob sa dulunan sang Senator Ninoy Aquino kag Kalamansig.
Kabahin ini sang handum sang banwa nga mangin Coffee Capital of Sultan Kudarat, pinaagi sa pagpauswag sang produksyon sang kape, pagpalig-on sang pangabuhian sang mga mangunguma kag pag-amlig sa palibot.
Photo courtesy: Rafael George Lorilla Flauta
