Giaprobahan sa Bureau of Internal Revenue (BIR) ang P84.5 milyon nga pagkunhod sa tax debts ug penalties sa mga micro taxpayer sulod sa unang duha ka bulan sa one-time relief program niini. Ubos kini sa One-Time Abatement Program for Micro Taxpayers, nga gitukod pinaagi sa Revenue Regulations 4-2026.
Sumala sa BIR, hangtod niadtong September 18, 1,352 ka micro taxpayers ang nakapasa og 6,234 ka aplikasyon, diin 5,000 niini ang naaprubahan. Ang mga aplikasyon naglangkob sa P84.509 milyon nga tax debts ug penalties, samtang P24.815 milyon ang gibayran nga fees.
Ang programa alang sa mga kwalipikadong micro taxpayer nga adunay wala mabayrang buhis, pending tax assessments, o mga kaso sa pakyas nga pag-file sa tax returns hangtod December 31, 2025.
Ang mga adunay basic taxes ug penalties nga dili molapas sa P80,000 kada taxable year mahimong mo-apply, ug ang maaprobahang aplikante magbayad og P5,000 kada taxable year.
