Planong magtukod ang Estados Unidos og duha ka base militar sa habagatan ug sidlakang bahin sa Greenland kini subay sa usa ka halapad nga kasabutan sa seguridad nga gipirmahan niadtong Martes tali sa Estados Unidos, Greenland, ug Denmark.
Kini ang gusto nga mamahitabo ni US Donald Trump aron nga kontrolahon sa Estados Unidos ang Greenland tungod sa mga estratehikong rason. Gipirmahan sa New York ang 10 pahina nga kasabutan atol sa United Nations General Assembly, nga naglatid sa mga probisyon alang sa kooperasyon sa seguridad ug depensa sa Greenland.
Subay sa maong kasabutan, pagatukoron sa Estados Unidos ang duha ka bag-ong military defense areas sa Narsarsuaq sa habagatan ug Mestersvig sa sidlakan, diin dugang kini sa kasamtangang Pituffik Space Base sa amihanang bahin sa Greenland.
Dugang pa niini ang mga probisyon nga nagtumong sa pagpanalipod sa mga sensitibong sektor sa Greenland batok sa kontrol o dakong impluwensya sa mga estado ug state-owned investors nga dili sakop sa NATO kun European Union, ilabina kon kini mahimong hulga sa nasudnong seguridad.
Photo courtesy:Agence France-Presse
