Nagtinabangay ang mga personahe sa BJMP Lupon District Jail, Lupon Municipal Police Station, ug BFP Lupon Fire Station sa pagpahigayon sa Public Safety Youth Ambassador Workshop alang sa mga Grade 12 Senior High School students sa Lupon Vocational High School.
Tumong sa maong kalihokan nga mapalapdan ang kahibalo ug pagsabot sa mga estudyante bahin sa public safety, ingon man dasigon sila nga mahimong responsable, disiplinado ug andam nga mga miyembro sa komunidad.
Atol sa workshop, gipaambit sa mga partisipanteng ahensya ang ilang mga papel ug responsibilidad sa pagmintinar sa kalinaw ug kahapsay, pagpugong ug pagresponde sa sunog, pagpasiugda sa disaster preparedness ug pagpanalipod sa katawhan.
Samtang aktibo usab nga miapil sa maong aktibidad ang mga magtutudlo, diin nagpakita sa suporta sa eskwelahan nga nagtumong sa pagpalambo sa kahibalo, kaluwasan, ug kaayohan sa mga estudyante.
Photo courtesy: BJMP Lupon District
