Pangulohan ni defending champion EJ Obiena ang 24-member Philippine athletics team nga makigsangka sa 20th Asian Games sa Aichi-Nagoya, Japan.
Dako ang pagsalig ni Philippine Athletics Track and Field Association (PATAFA) President Terry Capistrano nga ma-depensahan ni Obiena ang iyang korona sa men’s pole vault, diin gihuptan niini ang Asian Championship record nga 6.0 meters ug ang Asian Games record nga 5.90 meters nga iyang gipatik sa Hangzhou, China. Gawas kaniya, gilauman usab nga makahatag og gold nga medalya sila si John Cabang Tolentino (110m hurdles), Lauren Hoffman (400m women hurdles), ug Victoria Bossong (women’s 800m).
Bisan pa man sa ka-seryoso sa kompetisyon, gipadayag ni Capistrano nga aduna gihapon silay dakong paglaum sa kalidad sa mga atletang Pilipino nga makahatag og makapakita sa resulta sa maong dula. Lakip usab sa modagan ug makigbatok alang sa nasud mao sila si Yacine Guermali, Sonny Wagdos, Richard Solaño, Artjoy Torregosa, Neil Michael Catral, Anfernee Lorena, Jessica Rose Laurence, Zion Rose Nelson, Kristina Marie Knott, Hussein Loraña, Naomi Johnson, Diana Pama, Lanz Arcenal, ug Michael Carlo del Prado
Photo courtesy: POC Media Pool
