Gipasidunggan ug gihatagan sa dakong pag-ila ang 13 ka Local Government Units (LGUs) gikan sa probinsya sa Bukidnon human makadawat og Gold Award sa subay nga Gawad Kalasag 2026 alang sa Rehiyon X (Northern Mindanao).
Ang maong pag-ila gitunol gikan sa Regional Disaster Risk Reduction and Management Council (RDRRMC) ug Office of Civil Defense (OCD). Apil sa mga nakadawat sa maong prestihiyosong pasidungog mao ang mga lungsod sa Cabanglasan, Dangcagan, Don Carlos, Impasug-ong, Kadingilan, Kalilangan, Lantapan, Libona, Malitbog, Maramag, San Fernando, ug ang duha ka dakbayan sa Malaybalay City ug Valencia City.
Hisayrang ang maong Gold Recognition gipagawas ngadto sa mga LGUs nga milabaw sa mga sukdanan o gimando sa pagpatuman ug pagpaandar sa ilang Local DRRM Councils ug Local DRRM Offices, subay sa probisyon sa Sections 11 ug 12 sa Republic Act 10121. Kini nagpakita sa kaandam ug kalig-on sa mga LGU sa probinsya batok sa mga kalamidad alang sa mas luwas nga rehiyon.
Photo courtesy: Office of the Civil Defense – Region 10
