Gipasidunggan sa 28th Sangguniang Panlalawigan sa Probinsya sa Bukidnon ang Valencia City Youth Development Office (VCYDO) pinaagi sa usa ka opisyal nga Commendation tungod sa ilang talagsaong paningkamot ug dedikasyon sa pag-host sa 2026 Provincial Linggo ng Kabataan (PLNK) niadtong Agosto 14–16, 2026.
Ang maong resolusyon nga gipangulohan ni Hon. Rhea Lou S. Linas, Provincial Board Member ug PPSK President sa Bukidnon, nagpakita sa dakong kalampusan sa VCYDO sa paghatag og mga makahuluganong plataporma alang sa pamunoan, kolaborasyon, ug kalamboan sa mga batan-on sa tibuok lalawigan.
Subay niini, gipadayag sa VCYDO ang ilang dako ug tinuoray nga pagpasalamat ngadto sa pagdumala nila Mayor Amie G. Galario, Former Mayor ug LGU Spokesperson Jun Galario, Vice Mayor Greizl G. Galario, ug sa 10th Sangguniang Panlungsod sa ilang lig-ong suporta.
Gisiguro usab sa maong opisina nga ang gihatag nga dungog panag-iyahan sa tanang organisasyon, volunteers, SK officials, ug kaabag nga ahensya nga naghiusa ug naningkamot aron mahimong malampuson ug makasaysayanon ang maong selebrasyon sa kabatan-onan
Photo courtesy: Valencia City Youth Development Office
