Nanawagan si United States President Donald Trump sa mga nasud nga miyembro sa International Criminal Court (ICC) nga moundang o mobiya na sa korte.
Gihimo ni Trump kini nga panawagan atol sa iyang pakigpulong sa 81st United Nations General Assembly sa New York niadtong Martes, Setyembre 22. Giinsistir sa US President nga dili nila tugotan ang ICC nga mag-imbestigar o maglitis sa mga sundalong Amerikano, diin gihulagway pa niya ang korte nga usa ka “out of control” ug “evil group of people.”
Bisan pa man nga ang Estados Unidos dili miyembro sa ICC ug wala nag-aprubar sa Rome Statute—ang kasabutan nga nagtukod sa korte nga nakabase sa The Hague, Netherlands—padayon ang ilang pagsaway niini, diin gipahayag usab ni US Secretary of State Marco Rubio ang susamang panawagan sa pag-atras sa tribunal.
Photo courtesy:Wikipedia
