Gipagawas sa Bureau of Internal Revenue (BIR) ubos sa pagpanguna ni Commissioner Charlito Martin R. Mendoza ang Revenue Memorandum Circular No. 98-2026 aron opisyal nga ipatuman ang mga lagda sa electronic invoicing.
Tumong niining bag-ong mando nga palig-onon ang digitalisasyon sa sistema sa buwis sa nasud, diin sakop niini ang dagkong mga kumpanya, e-commerce businesses, ug kadtong nagagamit og computerized accounting systems.
Obligado ang mga covered taxpayers nga hingpit nga mosunod ug mo-isyu og electronic invoices sa mismong adlaw sa Disyembre 31, 2026, samtang libre ra sa mandatory requirement ang mga micro taxpayers. Mahimo silang mugamit sa ilang kaugalingong software, mupalit sa merkado, o mokuha sa serbisyo sa Electronic Invoicing Service Provider, diin gihimo kini human sa halapad nga konsultasyon sa pribadong sektor.
Photo courtesy: Philippine Information Agency
