Gi-aprobahan sa Investment Coordination Committee-Cabinet Committee (ICC-CC) ang P2.48 ka bilyong Philippine Digital National Identity (PDNI) Project nga nagtumong sa pag-upgrade sa digital infrastructure ug serbisyo sa National ID system.
Sumala sa Philippine Statistics Authority (PSA), giaprobahan ang proyekto niadtong Setyembre 9 ug gikatakdang moagi sa comparative challenge process, diin ang ubang kwalipikadong bidder pwedeng magsumite og proposal nga moatbang sa orihinal nga nagproponer.
Ang proyekto gikatakdang ipaubos sa Build-Transfer-Operate (BTO) arrangement nga adunay 20 ka tuig nga konsesyon human sa unom ka buwan nga transition phase.
Ang Unisys Public Sector Services Corporation ang original proponent niining unsolicited public-private partnership (PPP) project. Samtang ang mga bidding documents mahimong makuha sa mga prospective challengers sugod karong Oktubre 12, 2026 hangtod Enero 11, 2027, aron masiguro nga mahimong mas paspas, episyente, ug accessible ang National ID registration ug digital verification sa nasud.
Photo courtesy: Philippine News Agency
