Gikalipay sa mga Persons Deprived of Liberty o PDL nga miyembro sa LGBTQ+ community ang patas nga pagtagad ug pagprotektar nga ilang nadawat sulod sa Misamis Oriental Provincial Jail o MOPJ sa Initao, Misamis Oriental.
Matud ni Tomas, alyas “Jeany,” mayor sa selda sa mga lalaking PDL nga miyembro sa LGBTQ+ community, ilang gipasalamatan ang pagtagad sa warden sa ilang hangyo nga ilain sila og selda gikan sa ubang mga lalaking PDL aron malikayan ang pagpang-bully ug posibleng kagubot sulod sa pasilidad.
Dugang pa ni “Jeany,” mapasalamaton usab sila kang Governor Juliette Uy sa mga oportunidad ug patas nga pagtagad nga gihatag ngadto sa mga PDL.
Sa pagkakaron, aduna pay ubay-ubay nga bakanteng mga selda sa MOPJ. Apan pahimangno sa mga PDL, bisan pa man og layo sila sa kagubot sa gawas, nagpabilin gihapon ang ilang pangandoy nga makabalik sa kinabuhi nga gawasnon.
Photo courtesy: Misamis Oriental Provincial Jail – Initao
