Gipahigayon ang national simultaneous safety drill nga nagtutok sa pag-atubang sa active attack incident sa Cm Recto Elementary School sa Nabunturan Septiyembre 3, 2026, alas 9:00 sa buntag.
Gipangulohan kini sa lokal nga kagamhanan sa Nabunturan pinaagi sa Municipal Disaster Risk Reduction and Management Office (MDRRMO), aron mas mapalig-on ang kahandam sa mga estudyante, magtutudlo ug school personnel panahon sa emerhensya.
Gipahinumdoman usab ang publiko nga drill lamang kini ug dili tinuod nga insidente, busa wala’y angayng kabalak-an. Tumong sa maong kalihokan nga mas masabtan ug ma-praktis sa mga partisipante ang hustong mga lakang ug tubag aron malikayan ang kadaot ug mapanalipdan ang kinabuhi panahon sa emerhensya.
