Migamit ang usa ka magtutudlo sa Iloilo og dahon sa saging isip quiz paper sa iyang 50 ka senior high school students isip kabahin sa leksyon bahin sa packaging.
Si Sir Niel Amaca, licensed agriculturist ug instructor sa West Visayas State University School of Agriculture, mipakita sa tradisyonal nga paggamit sa dahon sa saging isip pambalot sa mga produkto.
Ang mga estudyante mismo nangolekta og dahon sa saging sa campus ug gipainitan kini aron mas lig-on ug dili dali magisi sa pagsulat. Pinaagi niini, nahimong mamugnaon, praktikal ug environment-friendly ang ilang pagkat-on samtang nakat-on sila sa kahinungdanon sa tradisyonal nga packaging.
Photo Courtesy: Instagram
