Gikumpirma sa aktor nga si Elijah Canlas nga nagbulag na usab sila sa iyang dugay nga kapares nga si Miles Ocampo pagkahuman sa lima ka tuig nga ilang panag-uban. Sa usa ka pakighinabi sa host nga si Ogie Diaz, gipadayag ni Elijah nga “mutual ug amicable” ang ilang desisyon ug walay gubot o dumot nga nahitabo tali kanila, samtang nagpabilin gihapon ang ilang respeto sa usag usa.
Gihimakak usab sa aktor ang mga balita nga adunay nalambigit nga third party sa ilang pagbulag ug gipatin-aw ang viral video nila ni Thea Astley.
Gisugilon ni Elijah nga sakit ang maong hitabo tungod kay naglaum sila nga silang duha na gyud ang magkatapusan, apan kinahanglan nilang dawaton ang kamatuoran.
Sa pagkakaron, mag-focus muna siya sa iyang kaugalingon ug sa iyang mga proyekto samtang nagpaayo sa kasingkasing, ug naghangyo usab siya sa publiko nga respetuhon ang ilang pribadong kinabuhi.
Photo Courtesy: Fashion Pulis
