Gihingusgan sa Iran nga magpabiling sirado ang Strait of Hormuz hangtod matud pa dawaton sa US ang ilang mga kondisyon, lakip ang pagtapos sa gubat, bayad sa mga assets sa Iran, ug pagtapos sa panagbangi sa tibuok rehiyon sama sa Gaza ug Lebanon. Giingon nga gipasa na kini sa Washington pinaagi sa mga mediator.
Bisan pa sa mga paglaum sa Pakistan ug Qatar nga posible nang maabot ang kasabutan alang sa pag-abli sa Strait, gipatin-aw sa Iran nga lahi kini sa ilang desisyon sa pagsira sa agianan. Tungod sa kawalay-kasiguruhan, misaka ang presyo sa oil futures.
Nagpadayon usab ang tensyon sa rehiyon human sa mga pag-atake sa Iran ug pagbalos niini batok sa mga target nga konektado sa US ug mga kaalyado niini. Aduna usab mga natalang bag-ong pag-atake sa mga barko sa Gulf of Oman, Red Sea, ug uban pang importanteng ruta sa maritime trade.
Photo courtesy: Google Maps
