Gisugdan na sa Vietnam ang pagtukod sa gihulagway niini nga pinakadako ug labing moderno nga anti-submarine frigate. Sumala pa nga gihimo karon ang maong barko sa Song Thu Shipyard sa Danang City sa Vietnam.
Gikataho nga adto ra sab himuon ang kasagaran sa mga armas niini ug mga ekipong pang militar. Sa nasayran, dugay na nga nalambigit ang Vietnam, sa maritime disputes tali sa China ug uban pang kanasuran nga nangangkon sa South China Sea.
Diin naningkamot ang Vietnam sa pagpalapad sa kapasidad niini nga makamugna og mga kahimanang pangdepensa ug ang pag-iban niini sa pagsalig sa mga imported military hardware nga kasagaran gikan sa nasud sa Russia.
Sa nasayran, nipailalom sa dakong modernisasyon ang nasud sa Vietnam sa nakalabay nga dekada, lakip na ang pagpalit niini og ginama sa Russia nga Kilo-class submarines ug Gepard-class frigates.
Gipadaghan sab sa Vietnam ang missile boats ug patrol vessels niini nga ginama ra sa Vietnam. Sumala pa nga ang Vietnam mao sab ang mahimong host sa Vietnam International Defense Expo sa Hanoi karong Desiyembre.
Photo courtesy: The Jakarta Post
