Giawhag sa Commision on Elections (COMELEC) ang mga kabatan-onan nga makighiusa ug pahimuslan ang pagboto sa Barangay ug Sangguniang Kabataan Elections (BSKE) 2026.
Matud ni COMELEC Chairman George Erwin Garcia nga bililhon ang partisipasyon sa mga kabatan-onan sa botohan sa BSKE tungod mao kini ang pamaagi nga masayran ang takus nga modumala sa matag komunidad.
Ang maong pamahayag ni Garcia gipagawas human sa nakuha nga datus sa Comelec nga matud pa dyutay lang ang ihap sa mga kabatan-unan nga nisalmot sa gipahigayon nga plebisito sa Naga ug Parañaque City.
Panawagan sab ni Garcia nga mas maayo nga makiglambigit ang mga kabatan-onan tungod importante ang mahimong resulta sa ihap sa ilang boto sa mga gitinguha nga kabag-uhan.
Gawas niini, naglaum sab ang COMELEC nga hatagan og kahigayonan ni Pres. Ferdinand Bongbong Marcos Jr. ang ilang hangyo nga ideklara nga special non-working holiday ang Nov. 3, 2026 aron makabaton og kahigayonan nga makabotar ug dili magdali sa pag-uli ang mga botante labi na ang mga manguli sa ilang mga probinsiya.
Photo courtesy: Philippine Information Agency
