Gihatagan og pag-ila sa Bureau of Fire Protection (BFP) Region 7 ang kagamhanan sa Dakbayan sa Sugbo tungod sa padayong suporta niini sa fire safety ug pakigtambayayong sa mga programa alang sa kaluwasan sa komunidad.
Gipahigayon ang awarding isip kabahin sa ika-35 nga anibersaryo sa BFP Region 7. Gidawat ang award alang sa kagamhanan sa Dakbayan sa Sugbo sa representante niini, samtang si Cebu City Mayor Nestor D. Archival. naapil usab sa mga awardee gikan sa Cebu Province.
Ang maong pag-ila, nagpakita sa kontribusyon sa Dakbayan sa Sugbo sa mga inisyatiba alang sa fire prevention ug emergency response. Pinaagi sa koordinasyon uban sa BFP ug uban pang frontline agencies, gipalig-on sa siyudad ang mga lakang aron malikayan ang sunog ug maandam ang komunidad sa mga emerhensiya.
Gidala sa selebrasyon ang tema nga “Tatlong Dekada at Limang Taon ng Serbisyong Tapat at Maaasahan: BFP sa Bagong Pilipinas.”
Anaa usab ang pagpasidungog sa mga lokal nga opisyal, emergency response teams, fire volunteers ug pribadong organisasyon nga nakatampo sa pagpalambo sa fire safety ug emergency preparedness sa Sugbo, Bohol ug Lapu-Lapu City.
Photo courtesy: Cebu City News
