Arestao el un Habal-habl driver durante el Joint operation contra illegal droga del SDET Del PS-2 Curuan, CDEU-ZCPO que ta encabesa si PLT REY A. CHANG huntu el otro unit del otoridad na Barangay Lubigan en este ciudad del Agosto 11,2026
Con el suspechao ya identifica como si Jose Juanito y Delos Santos Alyas Jolin,53-anyos hombre y residente des del Rancho Nara, Na mencionao Barangay.
Na mencionao operacion exito ya puede confisca con el suspechao valor Php3,400 de alegao shabu inclujido el buy-bust money.
Mientrastanto el maga evidencia ya lleva na ZCFU 9 para el propio examinacion mientras el suspechao detenido na carcel del ZCPS-2 Curuan y esperansao hay emfrenta el propio caso na corte.
