Gisugyot sa National Grid Corporation of the Philippines (NGCP) sa mga konsumidor nga magtinabangay sa pagdaginot sa paggamit sa kuryente human kini nag-isyu og Yellow Alert status sa power grid.
Matod ni Mae Curiano sa NGCP, dako og ikatabang ang pagminus sa paggamit sa mga electrical appliances, ilabi na sa mga oras nga taas ang konsumo sa kuryente.
Gipasabot ni Curiano nga samtang ubos ang suplay sa kuryente, importante nga mapakunhod usab ang demand o panginahanglan sa mga konsumidor.
Busa, gihangyo ang publiko nga i-off ang mga appliances nga dili kinahanglan gamiton, likayan ang sobra nga paggamit sa kuryente ug magpraktis og energy conservation.
Pinaagi niini, makatabang ang matag konsumidor sa pagpaubos sa power demand ug sa pagmintinar sa kalig-on sa suplay sa kuryente sa panahon sa Yellow Alert.
Photo courtesy: Instagram
