Gibutyag sa Department of Agriculture (DA) nga walay plano ang gobyerno nga magpatuman og temporaryong pagdili sa pag-import og bugas bisan pa man nagkaduol na ang panahon sa ting-ani sa humay sa nasud.
Sumala ni Agriculture Secretary Francisco Tiu Laurel Jr., kinahanglang magpadayon ang pag-import aron masiguro nga adunay igo nga suplay sa bugas samtang nangandam ang nasud sa posibleng grabe nga epekto sa El Niño sa ulahing bahin sa 2026 ug aron makapondo og igo nga buffer stock gikan sa Disyembre hangtod Abril sa susunod nga tuig.
Base sa pinakabag-ong datos gikan sa ahensya, milapas na sa 3.3 milyon ka metric tons ang gidaghanon sa imported nga bugas nga pinalit isip kabahin sa pagpangandam alang sa ting-ulan. Bisan pa sa padayong pag-import, gipasalig sa DA nga dili mapasagdan ang mga lokal nga mag-uuma pinaagi sa paghatag og igong suporta sa ilang mga abot karong panahona.
Hisayrang migahin usab ang DA ug ₱20 bilyon alang sa pagpalit og lokal nga humay karong tuiga—doble kumpara sa ₱9 bilyon nga budget sa miaging tuig.
Photo Courtesy: Department of Agriculture
