Naangkon sa Filipino pole vault star ug Olympian nga si EJ Obiena ang iyang ikapitong gold medal sa karon nga season human nakuha ang kampeonato sa International Stabhochsprung Meeting nga gipahigayon sa Jockgrim, Germany.
Nakatala si Obiena og lukso nga 5.83 metros aron dominahon ang maong kompetisyon, pipila lang ka adlaw human usab siya magpadayon sa iyang pagpanghawod ug magwagi sa Halberstadter Hohenflug.
Nakuha ni Obiena ang unang dapit batok kang Siefeldin Abdelsalam sa Qatar pinaagi sa countback human sila parehong nakalukso sa 5.83 metros, habig samtang ang bronze medal nakuha ni Ersu Sasma sa Turkey nga nakatala og 5.77 metros sa tunga sa 12 ka mga atleta. Human maselyohi ang iyang kadaugan, misulay pa si Obiena nga laktawan ang 5.93 metros aron maestablisar ang iyang bag-ong season-best, apan usik kay wala niya kini nasulod.
Gipadayag sa Filipino pole vaulter nga dili sayon ang naging laban tungod sa pipila ka gipang-atubang nga suliran sa iyang warm-up. Bisan pa man sa maong kalisud, malipayon ug matagbawon gihapon si Obiena sa maayong resulta sa iyang gipakitang pagduwa nga nagpadayon sa paghatag og dungog sa nasud
Photo Courtesy:EJ Obiena FB
