Nag-viral sa social media ang Origin M1, usa ka humanoid robot head nga gihimo sa Chinese robotics startup nga AheadForm, tungod sa realistiko kaayo nga paglihok sa nawong ug ulo nga halos susama na sa tawo.
Ang robot makahimo sa pagsundog sa nagkalainlaing facial expressions sama sa pagpiyong ug pagpitok sa mata, pagpahiyom, paglihok sa mga mata, ug pagkunot sa agtang. Bisan pa niini, adunay pipila ka netizens nga miingon nga nakurat ug nahadlok sila tungod sa pagkarealistiko sa robot.
Sumala sa kompanya, adunay 25 hangtod 42 ka gagmay’ng motors nga nagsilbing artificial muscles ilalom sa silicone nga panit sa robot aron makontrol ang mga lihok sa nawong. Gisangkapan usab kini og camera, microphone, ug speaker aron makakita, makadungog, ug makig-istorya.
Sa pagkakaron, ulo pa lamang ang nahuman nga bersyon sa Origin M1 ug gigamit kini isip demonstration unit.
Plano sa AheadForm nga ikonekta kini sa artificial intelligence o AI systems aron mas masabtan ang sinultihan ug emosyon sa tawo ug makahatag og mas angay nga tubag pinaagi sa tingog ug ekspresyon sa nawong
Photo Courtesy: Youtube
