Nisaka ang mga kaso sa AI-generated sexual deepfakes nga nagtarget sa mga bata sa Japan sa unang unom ka bulan sa 2026, sumala sa National Police Agency.
Mikabat sa 123 ka kaso ang natala gikan Enero hangtod Hunyo, labaw pa sa 60 ka kaso sa samang panahon sa miaging tuig ug milapas usab sa 114 ka kaso nga natala sa tibuok 2025. Kadaghanan sa mga biktima mga estudyante sa junior high school, gisundan sa mga high school ug elementary pupils.
Sa kadaghanan sa mga kaso, ang mga suspetsado mao ra usab ang mga kaklase o kapwa estudyante sa biktima, samtang adunay uban nga nakaila sa mga biktima pinaagi sa social media ug ubang online platforms. May mga kaso usab diin ang mga bata gitaguan og kuha og litrato sa publiko ug dayon giusab gamit ang artificial intelligence aron mahimong malaw-ay nga hulagway.
Hangtod sa katapusan sa Hunyo, duha na ka suspetsado ang gipasakaan og kaso, samtang nagpadayon pa ang imbestigasyon sa ubang mga insidente. Tungod niini, palig-onon sa kapolisan sa Japan ang kampanya batok sa iligal nga paggamit sa AI ug padayon nga aksyonan ang mga responsable sa maong krimen.
Photo Courtesy: CSIS
